Mutaxassislarning fikricha, Rossiyada kasallikning avj olish nuqtasidan o‘tilgan, hukumat ilgari joriy etilgan choralarni bosqichma-bosqich bekor qilmoqda.
Rossiyaliklar qarindoshlarini ko‘rish, davolanish, o‘qish va ishlash uchun xorijga chiqishlari mumkin. Bu haqda mamlakat bosh vaziri Mixail Mishustin ma'lum qildi.
Uning qo‘shimcha qilishicha, xorij fuqarolari ham Rossiyaga tibbiy maqsadlarda kelishlari mumkin.
Bu borada tegishli farmonlar imzolangan.
Ayni paytda mamlakatda koronavirus yuqtirish bilan bog‘liq 476 658ta holat qayd etilgan, 5971 nafar kishi vafot etgan.
Mutaxassislarning fikricha, Rossiyada kasallikning avj olish nuqtasidan o‘tilgan, hukumat ilgari joriy etilgan choralarni bosqichma-bosqich bekor qilmoqda.
Avvalroq Rossiya O‘zbekiston bilan aviaqatnovni 15 iyuldan tiklashi mumkinligi xabar qilingandi.
Ma'lumot berilishicha, dastlab 15ta mamlakatga parvozlar qayta tiklanishi mumkin. Parvozlar to‘g‘risida qaror davlatlar Rossiyadan aviareyslarni qabul qilishga rozilik berganidan keyin qabul qilinadi, yakuniy qaror esa «Rospotrebnadzor»ga bog‘liq bo‘ladi.
