10:54 / 22.06.2020
6297
Qarshi tumanidagi maktab o‘qituvchilari ish haqidan qonunchilikka zid ravishda ushlab qolingan. XTB mudiriga jarima qo‘llanildi

Qarshi tumani Xalq ta'limi bo‘limi mudiriga nisbatan ma'muriy jarima qo‘llanildi. 

Qarshi tumanidagi umumta'lim maktabi o‘qituvchilarining 2020 yil aprel oyi ish haqidan mehnat qonunchiligi talablariga zid ravishda ushlab qolinganligi aniqlandi.

O‘zbekiston Respublikasi Bandlik va mehnat munosabatlari vazirligi xabariga ko‘ra, Qashqadaryo viloyat Bandlik bosh boshqarmasi Davlat mehnat inspeksiyasi tomonidan o‘rganish o‘tkazilgan.

Qayd etilishicha, mazkur holat yuzasidan Qarshi tumani Xalq ta'limi bo‘limi mudiriga nisbatan ma'muriy jarima qo‘llanildi. 

Ayni damda o‘qituvchilardan noqonuniy ushlab qolingan ish haqlarini undirish choralari ko‘rilayotgani aytiladi.

Top