21:14 / 30.06.2020
2932
Boeing Norvegiya aviakompaniyasi bilan tuzilgan 10,6 mlrd dollarlik shartnomani qo‘ldan chiqardi

Norvegiyaning Norwegian Air aviakompaniyasi AQShning Boeing kompaniyasi bilan tuzilgan 10,6 mlrd dollarlik shartnomani bekor qildi.  

Bloomberg axborot agentligining xabar berishicha, aviakompaniya Boeing’ga 97 ta samolyot xaridi uchun tuzilgan kelishuvni bekor qilganini ma'lum qilgan. Shartnoma doirasida aviakompaniya 92 ta Boeing 737 Max va 5 ta Boeing 787 Dreamliner samolyoti olishi kerak bo‘lgan.    

Ta'kidlanishicha, aviakompaniya koronavirus pandemiyasi sababli reyslar bekor qilingandan keyin restrukturizatsiya o‘tkazmoqda va yetkazib berilmagan samolyotlar uchun to‘langan pullarning qaytarilishi bo‘yicha sudga ariza topshirgan.

Bundan tashqari, Norwegian Air AQSh kompaniyasidan Boeing 737 Max samolyotlari bilan 2 ta aviahalokat yuz bergandan keyin ularning parvozi to‘xtatilgani uchun kompensatsiya olishni mo‘ljallamoqda. 

Top