19:50 / 30.06.2020
6464
Fuqarolari Yevroittifoq hududiga kirishiga ruxsat berilgan mamlakatlar ro‘yxati e'lon qilindi

Birinchi bosqichda 14 mamlakatga Yevroittifoq hududiga kirishga ruxsat beriladi.

Foto: Getty Images

Yevrokengash 1 iyuldan Yevroittifoq chegaralari qaysi mamlakatlar uchun ochilayotganligi to‘g‘risidagi hujjatni e'lon qildi.

Birinchi bosqichda 14 mamlakatga Yevroittifoq hududiga kirishga ruxsat beriladi. Bunda koronavirus bilan bog‘liq vaziyat YeIdagidan ko‘ra yomon bo‘lmasligi shart.

Ro‘yxatdan Jazoir, Avstraliya, Kanada, Gruziya, Yaponiya, Chernogoriya, Marokash, Yangi Zelandiya, Ruanda, Serbiya, Janubiy Koreya, Tailand, Tunis va Urugvay joy oldi. Agarda Xitoy 1 iyuldan YeI aholisiga o‘z hududiga kirishga ruxsat bersa, Xitoy ham ushbu ro‘yxatga kiritiladi.

Andorra, Monako, San-Marino va Vatikan kabi davlatlar fuqarolari avtomatik ravishda YeI rezidentlari hisoblanadi.

YeK bayonotida aytilishicha, ro‘yxat har ikki haftada ko‘rib chiqiladi va vaziyatdan kelib chiqib yangilab borilishi mumkin.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top