22:47 / 04.07.2020
43826
Rossiyalik virusolog koronavirusning tajovuzkorligi qachon pasayishini aytdi

Olimning aytishicha, virus odamdan odamga o‘tgani sari moslashib, o‘z tashuvchisini o‘ldirmaslikka o‘rganadi. 

Foto: Ilya Pitalev / RIA Novosti

Koronavirusning tajovuzkorligi kamida bir yildan keyin pasayadi, dedi virusolog, tibbiyot fanlari doktori Anatoliy Alshteyn «Komsomolskaya pravda» bilan suhbatda.

«Bir yildan uch yilgacha. Undan ko‘proq ham bo‘lishi mumkin. SARS-CoV-2 ana shunday virus», — dedi u.

Olim virus odamdan odamga o‘tgani sari moslashib, o‘z tashuvchisini o‘ldirmaslikka o‘rganishini aytdi. Alshteynning aniqlik kiritishicha, koronavirusga og‘ir kasallik chaqirish foydali emas, chunki inson boshqalar bilan muloqot qilmay qo‘ysa, infeksiya boshqalarga o‘tolmay qoladi.

«Koronaviruslar organizmga nisbatan yengil munosabatda bo‘lishga moslashgan, ya'ni uning imkoniyatlaridan foydalanadi, ko‘payadi, kuchli zarar yetkazmasdan uning hisobiga yashaydi», — deb qo‘shib qo‘ydi olim.

U yangi virus ana shu yo‘ldan ketishiga umid qilarkan, SARS-CoV-2 boshqa koronaviruslardan yuqori darajadagi yuqumliligi bilan farq qilishini qayd etib o‘tdi.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top