Vashington 2019 yilda Huawei kompaniyasini AQsh milliy xavfsizligiga tahdid soluvchi kompaniyalar ro‘yxatiga kiritgandi.
AQSh davlat departamenti Xitoydagi inson huquqlari buzilishiga aloqador texnologiya kompaniyalari xodimlariga nisbatan viza cheklovlari kiritdi.
"Bugun davlat departamenti Xitoydagi texnologiya kompaniyalarining inson huquqlarini buzayotgan rejimlarga moddiy yordam ko‘rsatgan ma'lum bir xodimlariga nisbatan viza cheklovlari joriy etmoqda", - deyiladi AQSh davlat kotibi Mayk Pompeo bayonotida.
Qayd etilishicha, Huawei kompaniyasi ham ushbu qarorga kiritilgan.
"Jahondagi telekommunikatsiya kompaniyalari yodda tutsin: agar Huawei bilan hamkorlik qilayotgan bo‘lsangiz, demak inson huquqlarini buzuvchilar bilan hamkorlik qilmoqdasiz", - dedi Pompeo.
Vashington 2019 yilda Huawei kompaniyasini AQsh milliy xavfsizligiga tahdid soluvchi kompaniyalar ro‘yxatiga kiritgandi.
