Aloviddin Inog‘omov Samarqand viloyati davlat soliq boshqarmasiga rahbar etib tayinlandi, deb xabar bermoqda Kun.uz muxbiri.
DSQ axborot xizmati ma'lumotiga ko‘ra, Inog‘omov Aloviddin Xusniddinovich 1980 yilda Toshkent shahrida tug‘ilgan. U 2002 yilda Toshkent soliq kollejini, 2009 yilda Toshkent moliya institutini tamomlagan.
U bunga qadar Toshkent viloyati davlat soliq boshqarmasi boshlig‘ining birinchi o‘rinbosari lavozimida ishlab kelayotgan edi.
Bundan bir oy muqaddam, Elyor Tolliyev Samarqand shahar davlat soliq inspeksiyasi boshlig‘i etib tayinlangandi.