17:54 / 22.07.2020
4472
Braziliya prezidentining koronavirusga topshirgan uchinchi testi musbat chiqdi

65 yoshli prezident Braziliya shtatlarida koronavirus tarqalishiga qarshi kiritilgan cheklov choralarini tanqid qilib keladi.

Foto: REUTERS / Adriano Machado

Braziliya prezidenti Jair Bolsonaruning koronavirusga topshirgan uchinchi testi musbat chiqdi. Bu haqda prezident ma'muriyatiga tayanib G1 portali xabar berdi.

"Prezident Jair Bolsonaru sog‘-salomat, shifokorlar kuzatuvida.. Prezident 21 iyul kuni topshirgan test musbat chiqdi", - deyiladi xabarda.

Braziliya rahbarida 7 iyul kuni kasallik aniqlangandi, u o‘shandan buyon o‘z qarorgohida izolyatsiyada bo‘lib turibdi.

Bolsonaru yakshanba kuni qarorgohida bir necha yuz nafar tarafdorlarini qabul qildi. 65 yoshli prezident Braziliya shtatlarida koronavirus tarqalishiga qarshi kiritilgan cheklov choralarini tanqid qilib keladi.

Mart oyida Bolsonaru koronavirusni "kichikroq gripp" deb atagandi.

 

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top