09:58 / 27.07.2020
9541
Nyu-York va Anqaraga charter reyslar tashkil etilmoqda

«O‘zbekiston havo yo‘llari» kompaniya joriy yil 30 iyul kuni Toshkent-Nyu-York-Toshkent yo‘nalishi bo‘yicha charter repatriatsiya reysini amalga oshiradi. Shuningdek, 29 iyul kuni Toshkent-Anqara-Toshkent yo‘nalishida qo‘shimcha charter reysi yo‘lga qo‘yiladi, deb xabar bermoqda kompaniya axborot xizmati.

Ma'lum qilinishicha, Toshkent-Nyu-York yo‘nalishidagi parvoz uchun jo‘nash vaqti 06.45da, uchish soat 11.00ga (mahalliy vaqt bilan) belgilangan. Shuningdek, Nyu-York-Toshkent yo‘nalishida parvozning jo‘nashi soat 13.00da, soat 11.00da + 1 (mahalliy vaqt bilan) etib belgilangan.

Toshkent-Nyu-York yo‘nalishi bo‘yicha aviachiptalarni «O‘zbekiston havo yo‘llari» MAK Savdo markaziy ofisida soat 10:00dan birinchi bo‘lib xizmat ko‘rsatish asosida sotib olish mumkin. Buning uchun, yo‘lovchi tegishli hujjatlarning asl nusxalari bilan shaxsan paydo bo‘lishi kerak:

Xorijiy fuqarolar uchun - pasport;

O‘zbekiston Respublikasi fuqarolari uchun - pasport va ketish uchun asoslar.

Nyu-York-Toshkent yo‘nalishi bo‘yicha aviachiptalarni sotib olish uchun yo‘lovchilar O‘zbekiston Respublikasining Nyu-Yorkdagi Bosh konsulligiga murojaat qilishi so‘raladi.

«Tushunmovchiliklarning oldini olish uchun, aviachiptalarni sotib olishni tezlashtirishda o‘z xizmatlarini taklif etadigan odamlardan yordam so‘ramasligingizni so‘raymiz. Sizga chiptada ko‘rsatilgan narxni «O‘zbekiston havo yo‘llari» AK filialining kassasida to‘lagan miqdoringiz bilan solishtirishingizni tavsiya qilamiz.», - deya qo‘shimcha qilingan kompaniya xabarida.

Bundan tashqari, Toshkent-Anqara yo‘nalishidagi parvoz uchun jo‘nash vaqti 10.30da, uchish soat 13.00ga (mahalliy vaqt bilan) belgilangan.

Top