15:22 / 06.08.2020
11263
Svetlana Tixanovskayaning saylov shtabi boshlig‘i qo‘lga olingani xabar qilindi

Mariya Moroz Litva elchixonasidan chiqayotganida o‘zlarini IIV xodimlari deb tanishtirgan odamlar tomonidan olib ketilgan.

Foto: DPA

Belarus prezidentligiga nomzod Svetlana Tixanovskayaning saylov shtabi boshlig‘i Mariya Moroz qo‘lga olindi, deb xabar berdi Tixanovskayaning matbuot kotibi Anna Krasulina.

 "Svetlana Tixanovskayaning saylov shtabi boshlig‘i Mariya Moroz qo‘lga olindi", - deyiladi Krasulinaning OAVga bergan xabarida.

Qayd etilishicha, shtab boshlig‘i payshanba kuni vizaga hujjat topshirish uchun kelgan Litva elchixonasidan chiqayotganida o‘zlarini IIV xodimlari deb tanishtirgan odamlar tomonidan olib ketilgan. 

 "Uning telefoni o‘chirilgan, qayerda ekanligi noma'lum", - deb ta'kidlagan Krasulina.

 Bir oz avval RBK Mariya Morozning qo‘yib yuborilgani haqida xabar berdi.

 Payshanba kuni muxolifat aksiyasi o‘tkazilishi rejalashtirilgandi.

Belarusda prezidentlik saylovlari 9 avgustda bo‘lib o‘tadi. Markaziy saylov komissiyasi besh kishi - Andrey Dmitriyev, Anna Kanopatskaya, Aleksandr Lukashenko, Svetlana Tixanovskaya, Sergey Cherechenlar nomzodini ro‘yxatga olgan.

Mavzu
Belarus-2020
2020 yilning 9 avgustida Belarusda prezidentlik saylovlari o‘tkaziladi. 26 yildan buyon mamlakatni boshqarayotgan Lukashenko bu safar ham nomzodini qo‘ygan.
Barchasi
Top