19:50 / 11.08.2020
24070
AQSh Rossiyaning koronavirusga qarshi vaksinasini tanqid qildi

11 avgust kuni Rossiya prezidenti Vladimir Putin dunyodagi ilk vaksina davlat ro‘yxatidan o‘tkazilganini e'lon qildi.

Photo: REUTERS / Dado Ruvic

Rossiyaning koronavirusga qarshi vaksinasi Amerika ishlanmalaridan ortda va juda kam sinovlardan o‘tgan. Bu haqda AQSh prezidentining yordamchisi Kellian Konuey Fox News telekanali efirida aytdi.

U Rossiya standartlarini tanqid qildi.

«Bizda oltita vaksina uchinchi bosqichda, ular esa hali bungacha yetib borishmadi», — dedi Konuey.

AQSh prezidenti Donald Tramp 3 noyabrda bo‘lib o‘tadigan saylovlarga qadar koronavirusga qarshi vaksina paydo bo‘lishi haqida aytgandi.

11 avgust kuni Rossiya prezidenti Vladimir Putin dunyodagi ilk vaksina davlat ro‘yxatidan o‘tkazilganini e'lon qildi. U vaksina barcha tekshiruvlardan o‘tganini aytdi. Rossiya sog‘liqni saqlash vaziri Mixail Murashko preparat xavfsiz va yuqori samaradorlikka ega ekanligini bildirdi.

G‘arb farmatsevtika kompaniyalari vaksinaning sifati hali noma'lum ekanligini aytib, uni ro‘yxatga olishni ortga surishga chaqirgandi. Sog‘liqni saqlash vazirligi bunga javoban vaksina xalqaro standartlar asosida sinovdan o‘tkazilganini ma'lum qildi.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top