14:23 / 11.08.2020
26742
Marg‘ilonda garov o‘ynab, Nexia’ga 3 tonna sement yuklagan haydovchiga chora ko‘rildi

6 avgust kuni marg‘ilonlik fuqaro o‘z tanishi bilan katta mablag‘ evaziga garov o‘ynab, Nexia rusumli avtomashinasiga qoplangan 3 tonna sement mahsulotlarini yuklab «Qashqar» mahallasi bo‘ylab harakatlangan. Bu xatti-harakat tasvirlangan video ijtimoiy tarmoqlar va messenjerlarda tarqalgan.

Farg‘ona viloyati IIB Axborot xizmati xabariga ko‘ra, avtomashinaning yuk ko‘tarish imkoniyatidan bir necha barobar ortiqcha bosim uning tayanchlarining darz ketishiga sabab bo‘lib, haydovchi va atrofdagilar hayotiga katta xavf tug‘dirgan.

Mazkur holat yuzasidan Farg‘ona viloyat IIB YHXB xodimlari tomonidan haydovchiga nisbatan tegishli tartibda ma'muriy bayonnoma rasmiylashtirilgan.

Top