16:25 / 15.08.2020
16973
Lukashenko va Putin telefonda gaplashdi
Foto: TASS

Belarus prezidenti Aleksandr Lukashenko hamda Rossiya prezidenti Vladimir Putin telefon muloqotini o‘tkazdi. Bu haqda Belarus prezidenti axborot xizmati xabar bermoqda.

Ma'lum bo‘lishicha, tomonlar Belarusda bo‘layotgan voqealarni muhokama qilishgan. Suhbat qaysi tomonning tashabbusi bilan amalga oshirilgani aniq emas. Suhbatning detallari haqida ham ma'lumot berilmagan.

Oldinroq Aleksandr Lukashenko Belarusda bo‘layotgan voqealarni Rossiya rahbari Vladimir Putin bilan muhokama qilishi kerakligini aytgan va belaruslar dosh berolmasa, bu to‘lqin «u tomon siljiydi» deb, Rossiyaga ishora qilgandi.

Belarusda 9 avgustda yakunlangan prezidentlik saylovlaridan buyon norozilik namoyishlari davom etmoqda. Saylovda 80 foizdan ko‘proq ovoz olgan Aleksandr Lukashenko g‘olib bo‘lgan, 10 foizdan ko‘proq ovoz to‘plagan Svetlana Tixanovskaya ikkinchi bo‘lgandi.

Mavzu
Belarus-2020
2020 yilning 9 avgustida Belarusda prezidentlik saylovlari o‘tkaziladi. 26 yildan buyon mamlakatni boshqarayotgan Lukashenko bu safar ham nomzodini qo‘ygan.
Barchasi
Top