Aniq sohalar uchun maxsus mo‘ljallangan mashinalarga 1 mlrd dollar sarflangan. Avtomobillarning ehtiyot qismlari uchun 539,6 dollar to‘langan.
Davlat statistika qo‘mitasi yanvar-iyul oylarida O‘zbekistonga import qilingan mashinalar va transport asbob-uskunalari to‘g‘risida ma'lumot berdi.
Qayd etilishicha, aniq sohalar uchun maxsus mo‘ljallangan mashinalarga 1 mlrd dollar sarflangan. Avtomobillarning ehtiyot qismlari uchun 539,6 mln dollar to‘langan.
Shuningdek, avtomobillar, asosan yo‘lovchilarni tashish uchun mo‘ljallangan avtoulovlar (10 va undan ortiq kishini tashishga mo‘ljallangan transport vositalaridan tashqari) 312,3 mln dollarga tushgan. Sanoat uchun maxsus bo‘lmagan mashinalar va ularning detallariga 909,6 mln dollar sarflangan.
Elektr aloqasi, ovozni yozish va eshittirish apparaturalari va uskunalariga 303,6 mln dollar ketgan bo‘lsa, elektr mashinalari, apparatlar, asboblar va ularning ehtiyot qismlari 365,1 mln dollarga tushgan.
