13:30 / 29.08.2020
13913
Prezident Toshkent metrosining qurilishi tugallangan «Yunusobod» yo‘nalishi bilan tanishdi

Shavkat Mirziyoyev bugun Toshkent shahridagi ayrim obektlarga tashrif buyurmoqda. Bu haqda “O‘zbekiston24” telekanali xabar qildi.

Davlat rahbari dastlab Toshkent metropolitenining qurilishi tugallangan "Yunusobod" yo‘nalishi 2-bosqichi yo‘l va bekatlari bilan tanishdi. Mazkur loyiha doirasida 2,9 kilometr uzunlikdagi metro yo‘li hamda “Yunusobod” va “Turkiston” metro bekatlari barpo etilib, “Shahriston” bekatiga ulandi. 

Telekanal xabarida aytilishicha, metro poyezdlarining sinov tariqasida harakatlanish ishlari amalga oshirildi. Ta'kidlanishicha, ushbu loyiha bo‘yicha yer osti tunnel qismini burg‘ilash ishlari Germaniya texnologiyasi asosida amalga oshirildi. 

Prezident metro poyezdlarining holati, bekatlardagi sharoitlar bilan tanishdi. Yo‘lovchilarga yuqori sifatli xizmat ko‘rsatishni ta'minlash yuzasidan mutasaddilarga tegishli ko‘rsatma berildi.

Bildirilishicha, endilikda “Turkiston” va “Yunusobod” bekatlari orqali kuniga 7,5 ming yo‘lovchilarni tashish va xizmat ko‘rsatish imkoniyati yaratildi. 

Top