Foto: Deutsche Welle
Hindiston bir kunda qayd qilingan koronavirusga chalinish holatlari bo‘yicha antirekord o‘rnatdi. Mamlakatda so‘nggi sutkada 78761 kishi koronavirusga chalingan.
Bu pandemiya boshidan beri dunyo bo‘yicha rekord ko‘rsatkich hisoblanadi, deb xabar berdi Deutsche Welle nashri.
Mutaxassislarning ta'kidlashicha, ushbu raqamlar aslidagidan ancha kamroq bo‘lishi mumkin, chunki Hindistonda koronavirusga tahlillar kam miqdorda o‘tkaziladi.
Ayni vaqtda Hindiston koronavirusga chalinganlar soni bo‘yicha AQSh va Braziliyadan keyin dunyoda 3-o‘rinni egallamoqda. Mamlakatda virusga chalinganlar soni 3,617 mlndan, infeksiyadan vafot etganlar soni esa 64 mingdan ko‘proqni tashkil qilmoqda.
