18:01 / 01.09.2020
10866
Rakitich «Barselona»ni tark etdi

«Barselona» xorvatiyalik yarimhimoyachisi Ivan Rakitich «Sevilya»ga yo‘l olganini rasman ma'lum qildi.

Xorvatiyalik futbolchi sobiq jamoasi bilan 4 yillik shartnoma tuzadi.

Xabar qilinishicha, 32 yoshli futbolchining transferi uchun 1,5 mln yevro to‘g‘ridan to‘g‘ri to‘lab berilgan, yana 9 million yevro bonuslar ko‘rinishida berilishi mumkin. 2 sentabr kuni klub xayrlashuv marosimini o‘tkazadi.

«Barselona» Rakitichga minnatdorchilik bildiradi va unga kelajakda muvaffaqiyat tilaydi», deyiladi klub rasmiy sayti xabarida.

Rakitich 2011 yildan 2014 yilgacha «Sevilya» safida to‘p surgan, ungacha esa ko‘p yillar davomida «Shalke» va «Bazel» klublari sharafini himoya qilgan.

«Sevilya» ham Rakitich bilan 2024 yil iyuniga qadar shartnoma tuzilgani haqida e'lon qildi.

2019/2020 yilgi mavsumda Rakitich barcha turnirlar doirasida 42 o‘yinda maydonga tushib, bir gol urdi va besh golga uzatma berdi. U kataloniyaliklar klubida o‘tkazilgan 6 mavsumda jami 310 maydonda tushib, 35 gol urgan va 42 golga hammualliflik qilgan.

Top