10:23 / 05.09.2020
7631
Qo‘shfamiliyaga ega fuqarolarning farzandiga qay tarzda familiya berilishi ma'lum bo‘ldi

Davlat xizmatlari agentligi qo‘shfamiliyaga ega bo‘lgan fuqarolarning farzandiga qay tarzda familiya berilishi haqida ma'lumot berdi.

“Oila kodeksining 69-moddasiga asosan, bolaning familiyasi ota-onaning familiyasiga qarab belgilanadi. Ota-ona turli familiyalarda bo‘lganda ota-onaning kelishuviga binoan bolaga otasining yoki onasining familiyasi beriladi.

Ota-onaning xohishiga ko‘ra, bolaga ota yoki ona tomonidan milliy an'analarga ko‘ra boboning ismi bo‘yicha familiya berilishi mumkin”, - deb tushuntirmoqda DXA.

Eslatib o‘tamiz, hukumat tomonidan tasdiqlangan FHDYo sohasiga oid qaror bilan nikohlanuvchilarga qo‘shfamiliyalikka ruxsat berildi.

Masalan, kuyov Ahmedov kelin Shuhratova bo‘lsa, shunda kuyov Ahmedov-Shuhratov, kelin esa Ahmedova-Shuhratova bo‘lishi mumkin.

Top