Avvalroq JSSTning Chexiyadagi bo‘limi mamlakatda koronavirus yuqtirish holatlari o‘sganligiga e'tibor qaratgan va bu borada o‘z tavsiyalarini bergandi.
Chexiya bosh vaziri Andrey Babish Jahon sog‘liqni saqlash tashkiloti koronavirus bo‘yicha tavsiyalar berishdan tiyilishi kerakligini aytdi.
Avvalroq JSSTning Chexiyadagi bo‘limi mamlakatda koronavirus yuqtirish holatlari o‘sganligiga e'tibor qaratgan va bu borada o‘z tavsiyalarini bergandi.
"Niqob taqishni tavsiya qilmagan va pandemiya boshlanganini mutlaqo bilmagan aynan mana shu JSST bo‘ladi. U jim bo‘lishi kerak deb hisoblayman", - deb yozdi Babish o‘zining Twitter-akkauntida.
Chexiya sog‘liqni saqlash vaziri Adam Voytex bosh vazirni qo‘llab-quvvatlab, JSSTning tanqidi noo‘rin ekanligi va mamlakat hukumati vaziyatni to‘liq nazorat qilayotganini aytdi.
Chexiyada oxirgi sutkada 563ta yangi holat aniqlangan.
Koronavirus pandemiyasi boshlanganidan buyon mamlakatda 28 716 kishi kasallikka chalingan, 19 855 kishi sog‘aygan, 437 kishi vafot etgan.
