18:38 / 25.09.2020
1179
«Formula-1»ga yangi rahbar tayinlandi 

“Formula-1” avtopoygalariga egalik qiluvchi Liberty Media Corporation kompaniyasi poygalar rahbari o‘zgarganini e'lon qildi. 2021 yildan “Formula-1” prezidenti va bosh direktori lavozimini Stefano Domenikali egallaydi.  

Foto: Reuters

55 yoshli italiyalik mutaxassis amerikalik Cheyz Keri o‘rnini egallaydi. Keri “Formula-1”ga 2017 yilda Liberty Media Corporation poygalarni Berni Ekklstoundan sotib olgandan beri rahbarlik qilib kelmoqda.  

Domenikali “Formula-1”da ishlash tajribasiga ega bo‘lib, u 2008 yildan 2014 yilgacha Scuderia Ferrari jamoasiga rahbarlik qilgan. Uning rahbarligida italyan jamoasi 2007 va 2008 yillarda konstruktorlar kubogini qo‘lga kiritgan. Domenikali 2014 yilda Audi kompaniyasiga ishga o‘tgan, 2016 yildan esa Lamborghini’ga rahbarlik qilib kelmoqda. 

Top