25 sentabr kuni O‘zbekistonda 496 kishida koronavirus aniqlanib, 513 kishi tuzalgani tasdiqlandi. Kunlik kasallanish ko‘rsatkichi so‘nggi haftalarda ilk marta 500dan kam bo‘ldi.
Rasmiy statistikada jami holatlar soni 54 mingdan oshdi: hozirgacha 54 462 kishida koronavirus aniqlangan. Ulardan 50 954 nafari tuzalgan.
Qurbonlar soni kamida 3 nafarga ortib, SSV statistikasi bo‘yicha 450 nafarga yetdi.
Yangi holatlar (+496)
Kun davomida respublikaning 7 hududida tana harorati ko‘tarilgani hamda koronavirusga chalingan bemorlar bilan muloqotda bo‘lgani sababli namuna olingan fuqarolar orasida aniqlangan.
- Toshkent shahrida 363 holat;
- Toshkent viloyatida 89 holat;
- Samarqand viloyatida 16 holat;
- Qashqadaryo viloyatida 9 holat;
- Andijon viloyatida 9 holat;
- Xorazm viloyatida 6 holat;
- Qoraqalpog‘istonda 4 holat.
Tuzalganlar (+513)
Kun davomida Toshkent shahri, Qoraqalpog‘iston Respublikasi, Toshkent, Namangan, Qashqadaryo, Surxondaryo, Andijon, Navoiy hamda Samarqand viloyatlarida jami 513 nafar bemor tuzaldi va shu vaqtgacha koronavirusdan forig‘ bo‘lganlar soni 51 mingga yaqinlashdi.
- Toshkent shahrida 311 nafar;
- Toshkent viloyatida 81 nafar;
- Namangan viloyatida 35 nafar;
- Qashqadaryo viloyatida 35 nafar;
- Surxondaryo viloyatida 19 nafar;
- Andijon viloyatida 12 nafar;
- Navoiy viloyatida 10 nafar;
- Samarqand viloyatida 6 nafar;
- Qoraqalpog‘istonda 4 nafar bemor tuzaldi.
Sog‘liqni saqlash vazirligi bugun vafot etgani tasdiqlangan uch nafar bemor haqida ham hech qanday qo‘shimcha ma'lumot bermadi.
Ayni paytda tibbiyot muassasalarida 3 058 nafar bemor davolanmoqda, ulardan 718 nafari og‘ir, 289 nafari esa o‘ta og‘ir ahvolda.
