28 sentabr kuni O‘zbekistonda 477 kishida koronavirus aniqlanib, 501 kishi tuzalgani va 2 kishi vafot etgani tasdiqlandi. Kunlik kasallanish ko‘rsatkichi qatorasiga uchinchi kun 500dan kam bo‘ldi.
Rasmiy statistikada jami holatlar soni 56 mingga yaqinlashmoqda: hozirgacha 55 878 kishida koronavirus aniqlangan. Ulardan 52 466 nafari tuzalgan.
Qurbonlar soni kamida 2 nafarga ortib, SSV statistikasi bo‘yicha o‘lim holatlari soni 461 nafarga yetdi.
Yangi holatlar (+477)
Kun davomida respublikaning 7 hududida tana harorati ko‘tarilgani hamda koronavirusga chalingan bemorlar bilan muloqotda bo‘lgani sababli namuna olingan fuqarolar orasida yangi kasallanish holatlari aniqlangan.
- Toshkent shahrida 309 holat;
- Toshkent viloyatida 91 holat;
- Namangan viloyatida 35 holat;
- Buxoro viloyatida 16 holat;
- Andijon viloyatida 13 holat;
- Qashqadaryo viloyatida 9 holat;
- Navoiy viloyatida 4 holat.
Tuzalganlar (+501)
Kun davomida respublikaning 7 hududida jami 501 nafar bemor tuzaldi va shu vaqtgacha kasallikdan forig‘ bo‘lganlar soni 52 ming 466 nafarga yetdi (94 foiz).
- Toshkent shahrida 303 nafar,
- Toshkent viloyatida 98 nafar,
- Namangan viloyatida 54 nafar,
- Buxoro viloyatida 18 nafar,
- Andijon viloyatida 13 nafar,
- Samarqand viloyatida 9 nafar,
- Surxondaryo viloyatida 6 nafar bemor tuzaldi.
SSV 28 sentabr kuni yana 2 nafar bemor vafot etgani va shu vaqtgacha rasmiy statistikaga kiritilgan o‘lim holatlari soni 461taga yetgani haqida xabar qildi.
Ayni paytda tibbiyot muassasalarida davolanayotgan 2 951 nafar bemordan 670 nafari og‘ir, 272 nafari esa o‘ta og‘ir ahvolda.
