21:45 / 05.10.2020
4230
Trampning matbuot kotibida koronavirus aniqlandi

Keyli Makinenining ta'kidlashicha, u muntazam ravishda, xususan, mamlakat prezidenti Donald Trampning maslahatchisi Houp Hiksda koronavirus aniqlangan payshanba kunidan buyon har kuni tekshiruvdan o‘tgan.

Foto: Erin Scott / Reuters

Oq uy matbuot kotibi Keyli Makinenida koronavirus infeksiyasi aniqlandi. U bu haqda o‘zining Twitter sahifasida ma'lum qildi.

"Dushanba kuni mening COVID-19ga topshirgan testim musbat chiqdi, simptomlar yo‘q. Karantin jarayonini boshlayman va amerika xalqi uchun masofadan turib ishlayman", - deb yozdi u.

Makinenining ta'kidlashicha, u bunga qadar muntazam ravishda, xususan, mamlakat prezidenti Donald Trampning maslahatchisi Houp Hiksda koronavirus aniqlangan payshanba kunidan buyon har kuni tekshiruvdan o‘tgan.

Eslatib o‘tamiz, Donald Tramp 2 oktabr kuni o‘zi va rafiqasida koronavirus aniqlanganini xabar qilgandi. U oldinroq o‘zi bilan saylovoldi tashviqot safarida birga bo‘lgan maslahatchisi Houp Hiksda koronavirus aniqlangach, karantinga ketgan edi.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top