15:25 / 09.10.2020
26564
O‘zbekistonda dam olish kunlari qanday ob-havo kutilayotgani ma'lum qilindi

Shimoliy Qozog‘iston hududlaridan nisbatan sovuq havo O‘zbekiston hududiga kirib kelmoqda.

Bugundan respublika hududiga yana sovuq havo kirib kela boshladi, kunning birinchi yarmida hududlarning ayrim qismida havo harorati kechagidan 4-6 darajaga past bo‘ldi.

«O‘zgidromet» xabariga ko‘ra, xuddi shunday sovuq havo, ertaga respublika hududida ham davom etadi. Kechasi harorat 3-6 daraja, shimolda 0-3 daraja sovuqqacha pasayadi va kunduzi 13-17 darajadan yuqori bo‘lmaydi, bu 5-7 darajaga me'yordan past.

O‘zbekistonning katta qismida bugun va ertaga quruq havo saqlanib qoladi. Faqat respublikaning Janubi-Sharqiy hududlariga Turkmaniston hududlaridan nam bulut massalari kirib keladi. Farg‘ona vodiysi viloyatlari hamda respublikaning tog‘oldi va tog‘li hududlarining ayrim joylarida yomg‘ir yog‘adi, dengiz sathidan 2000 m baland tog‘li hududlarda yog‘ayotgan yomg‘ir qorga aylanishi ehtimoli bor.

Bugun respublikaning ayrim joylarida shamolning tezligi 15-20 m/s gacha kuchayishi mumkin.

Yakshanba kuni O‘zbekiston hududining ko‘p qismida kam bulutli va quruq ob-havo kutilmoqda. Kechasi havo harorati 3-6 daraja iliq, shimolda 0-3 daraja sovuqqacha, kunduzi esa havo 18-20 darajagacha isiydi.

Top