AQSh prezidenti Donald Trampni koronavirusdan davolashda qo‘llangan dori vositasi uch singapurlikning qoni namunasi asosida ishlab chiqilgan. Bu haqda Straits Times nashri xabar berdi.
Foto: AP Photo / Alex Brandon
Ma'lumotlarga ko‘ra, Singapurning yuqumli kasalliklar milliy markaziga (NCID) AQShning Regeneron kompaniyasidan hamkorlik haqida murojaat tushgan. Dastlab kompaniya NCID’dan koronavirusdan sog‘ayib ketgan 20 kishini tanlab olishni iltimos qilgan. Markaz 5 kishini tanlagan va AQSh kompaniyasi ulardan olingan qon namunalari antitanaga ega vositani ishlab chiqishga yetarliligini ma'lum qilgan.
Oxir natijada Regeneron Singapurdan olingan beshta namunadan uchtasini antitanalarni olish bo‘yicha tadqiqot uchun asos qilib olgan.
Tramp koronavirusdan shifoxonada 3 kun davolangach, 5 oktyabrda Oq uyga qaytdi. Shifokorlar prezidentda koronavirus belgilari yo‘qligini va uning organizmida virusga qarshi antinanalar aniqlanganini ma'lum qilishgan.
