23:41 / 10.10.2020
3520
Google YouTube’ni savdo maydonchasiga aylantirmoqchi

Qayd etilishicha, YouTube’ning savdo maydonchasiga aylantirilishi uni Amazon va Alibaba kabi gigantlar darajasiga olib chiqishi mumkin. 

Foto: Reuters

Google YouTube’ni videoda namoyish etilgan buyumlarni sotib olish mumkin bo‘lgan savdo maydonchasiga aylantirmoqchi. Bu haqda o‘z manbalariga tayanib Bloomberg xabar bermoqda.

YouTube cheklangan kanallarda ana shunday funksiyani sinovdan o‘tkazayotganligini tasdiqladi.

Qayd etilishicha, Google bir necha oydan buyon YouTube’ni savdo maydonchasiga aylantirishiga sha'ma qilib kelgan. Kompaniya 2020 yilda e-commerce va to‘lovlar bo‘linmasini yangilagan. Iyulda esa o‘zining Google Shopping platformasiga sotuvchilarni jalb etish rejasini e'lon qilgan.

Bundan tashqari, YouTube yaqinda roliklar mualliflarini lavhada tilga olingan mahsulotlarni markirovka qilish belgisidan foydalanishlarini so‘radi. 

Bloomberg’ning qayd etishicha, YouTube’ning savdo maydonchasiga aylantirilishi uni Amazon va Alibaba kabi gigantlar darajasiga olib chiqishi mumkin. 

Hozircha YouTube savdolardan qanday pul ishlashi ma'lum emas. 

Top