22:22 / 13.10.2020
13451
Rossiyaning koronavirusga qarshi dori vositasi narxi ikki baravarga arzonlashdi

«Avifavir» (RFPI va «Ximrar» mahsuloti) dorisini yetkazib berish bo‘yicha ilk shartnoma 4 iyunda tuzilgan. Iyun oxirigacha bir qadog‘ining davlat xarididagi o‘rtacha narxi 22,3 ming rublni tashkil etgan.

Foto: RIA Novosti

Koronavirusdan davolashda qo‘llaniladigan favipiravir dori vositasining narxi yoz faslidan buyon muntazam tushib bormoqda. «Farmvestnik» nashrining yozishicha, oxirgi uch oy davomida uning narxi ikki baravarga arzonlashgan.

 Qayd etilishicha, «Avifavir» (RFPI va «Ximrar» mahsuloti) dorisini yetkazib berish bo‘yicha ilk shartnoma 4 iyunda tuzilgan. Iyun oxirigacha bir qadog‘ining davlat xarididagi o‘rtacha narxi 22,3 ming rublni tashkil etgan. Iyulda yana ikkita dori: «Koronavir» («R-Farm») va «Areplevir» («Promomed») paydo bo‘lgach, narx 18,3 ming rublga tushgan.

Sentyabrda «Promomed» davlat xaridi narxini 12 320 rubl, «R-Farm» esa 11 550 rubl etib belgilagan.  

Roszdravnadzorning ma'lum qilishicha, narxlar yanada tushishi kutilmoqda.

 

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top