19:14 / 13.10.2020
2353
Ukraina hukumati mamlakatdagi karantin rejimini 31 dekabrgacha uzaytirdi

 Mamlakat bosh vaziri karantin cheklovlarini koronavirus pandemiyasiga qarshi "eng ta'sirchan mexanizm" deb atadi.

Foto: RIA Novosti

Ukraina hukumati mamlakatda koronavirus pandemiyasi tufayli joriy etilgan cheklov choralarini 31 dekabrgacha uzaytirdi. Bu haqda bosh vazir Denis Shmigal ma'lum qildi.

"Hukumat adaptiv karantinning amal qilish muddatini yil oxirigacha uzaytiradi", - dedi u.

 U mazkur chorani koronavirus pandemiyasiga qarshi nafaqat Ukraina, balki butun dunyodagi "eng ta'sirchan mexanizm" deb atadi.

 Avvalroq Ukraina 28 sentyabrdan xorijliklarning mamlakatga kirishiga qo‘yilgan taqiqni bekor qilgani ma'lum qilingandi.

 Oxirgi ma'lumotlarga ko‘ra, mamlakatda koronavirus yuqtirganlar soni 270,5 mingdan oshgan, 5100dan ortiq kishi vafot etgan.

 

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top