12:53 / 17.10.2020
4471
Namanganda bir necha shifokorning malaka toifasi sertifikati qalbaki bo‘lib chiqdi - Tergov departamenti

Sog‘liqni saqlash vazirligining ichki audit va moliyaviy nazorat xizmati tomonidan Namangan viloyati Chust tumani tibbiyot birlashmasida masofadan turib monitoring tekshiruvi o‘tkazilgan.

Foto: Getty Images

IIV huzuridagi Tergov departamenti xabariga ko‘ra, unda bolalar psixiatriyasi, anesteziologiya va reanimatologiyasi,  umumiy amaliyot shifokori, nevrologiya, umumiy xirurgiya mutaxassisliklari uchun bir necha shifokorlarning malaka toifasi berilganligi to‘g‘risidagi sertifikati qalbaki ekanligiga shubha tug‘ilganligi sababli tekshirib ko‘rish uchun olingan hamda malaka toifasi sertifikatlarining qalbakilashtirilgan holatiga aniqlik kiritish uchun Chust tumani IIB huzuridagi Tergov bo‘limiga yuborilgan.

Tergovga qadar tekshiruv davrida o‘tkazilgan Namangan shahri bo‘yicha IIO FMB EKBning tadqiqotlar xulosasiga ko‘ra, malaka toifasi sertifikatlaridagi muhrlar izi kompyuter qurilmasining rangli oqimli printeri yordamida tayyorlanganligi aniqlangan.

Mazkur holat yuzasidan Chust tumani IIB huzuridagi Tergov bo‘limi tomonidan G.N., S.N., M.J., I.Yu. va O.Z.ga nisbatan Jinoyat kodeksining 228-moddasi 3-qismi bilan jinoyat ishi qo‘zg‘atilib, hozirda tergov harakatlari olib borilmoqda.  

Top