«Barselona» o‘z rasmiy saytida 4 futbolchisi bilan shartnomani uzaytirganini e'lon qildi.
Himoyachi Jyerar Pike bilan shartnoma 2024 yilgacha, darvozabon Mark-Andre ter Stegen bilan 2025 yilgacha uzaytirildi. Ikkala futbolchining ham tovon puli 500 mln yevro etib belgilangan.
Himoyachi Kleman Langle va yarimhimoyachi Frenki de Yong bilan tuzilgan bitimlar esa 2026 yilgacha uzaytirildi. Fransuzning tovon puli 300 mln yevro, niderlandiyalik xavbekniki esa 400 mln yevrodan iborat.
Avvalroq «Barselona» ushbu futbolchilar bilan maoshni kamaytirish borasida kelishuvga erishgani xabar qilingandi.
