Dunyoda koronavirus pandemiyasi sababli sayyohlik safarlari soni qisqarishi turizm tarmog‘iga 2020 yilning ilk 8 oyida 730 mlrd dollarlik ziyon yetkazdi. Bu haqda BMTning Jahon sayyohlik tashkilotida ma'lum qilindi.
Tashkilotda xabar berilishicha, pandemiya sababli safarlarga kiritilgan cheklovlar jahon turizmiga kuchli ta'sir ko‘rsatishni davom ettirmoqda. Oxirgi ma'lumotlarga ko‘ra, joriy yilning ilk 8 oyida xalqaro safarlar miqdori 70 foizga kamayib ketdi. Bu esa 730 mlrd dollar yo‘qotilishiga olib kelgan. Ta'kidlanishicha, ushbu ko‘rsatkich 2009 yilda jahon moliyaviy inqirozi vaqtida ko‘rilgan zarardan 8 marotaba ko‘proqni tashkil qiladi.
2019 yilda boshqa davlatlarga sayohat qilgan turistlar soni 1,5 mlrd kishini tashkil qilgan.