23:17 / 29.10.2020
11189
Ozarboyjon qo‘shinlari Tog‘li Qorabog‘ning strategik muhim shahriga bevosita yaqinlikda ekani ma'lum qilindi  

Tan olinmagan Tog‘li Qorabog‘ respublikasi prezidenti Araik Arutyunyan Ozarboyjon qo‘shinlari respublikaning eng muhim shaharlaridan biri – Shushaga yaqin kelganini ma'lum qildi. U bu haqda Shushadagi cherkovdan qilgan murojaatida xabar qilgan.

Foto: news.com.az

Arutyunyanning ta'kidlashicha, Ozarboyjon qo‘shinlari ayni vaqtda Tog‘li Qorabog‘ning ikkinchi yirik shahridan bor-yo‘g‘i 5 km uzoqlikda joylashgan.   

“Ularning maqsadi - Shushani egallash. Kim Shushaga egalik qilsa, u Qorabog‘ga egalik qiladi”, deb aytgan Arutyunyan.

Respublika prezidenti g‘alabaga ishonishini, biroq vaziyatni o‘zgartirish uchun hukumat va oddiy fuqarolar Shushani himoyalash uchun birlashishi lozimligini aytgan.

Shusha Tog‘li Qorabog‘ poytaxti Stepanakertdan 11 km uzoqlikda joylashgani sababli muhim strategik ahamiyatga ega. U orqali Stepanakertni Armaniston bilan bog‘lovchi yo‘l o‘tadi. Bundan tashqari, Shusha Stepanakertdan balandroq joylashgan bo‘lib, Tog‘li Qorabog‘da 1992-1994 yillarda kechgan birinchi urushda Stepanakertga Shushadan turib to‘g‘ridan to‘g‘ri zarbalar berilgan. 

Mavzu
Ozarboyjon-Armaniston mojarosi
12 iyul kuni Ozarboyjon shimoli-g‘arbidagi Tovuz viloyati hududida ikki davlat qo‘shinlari o‘rtasida to‘qnashuv sodir bo‘ldi.
Barchasi
Top