O‘zbekiston davlat jismoniy tarbiya va sport universitetining Farg‘ona filiali tashkil etildi. Bu haqda Oliy va o‘rta maxsus ta'lim vazirligi xabar berdi.
Qayd etilishicha, Farg‘ona filiali O‘zbekiston prezidentining 2020 yil 3 noyabrdagi «Jismoniy tarbiya va sport sohasida kadrlar tayyorlash tizimini takomillashtirish va ilmiy salohiyatni oshirish chora-tadbirlari to‘g‘risida» PQ-4877-son qaroriga muvofiq faoliyat yuritadi.
Filial faoliyati 2021/2022 o‘quv yilidan boshlab yo‘lga qo‘yiladi, deyiladi ma'lumotda.
Respublikadagi jami oliy ta'lim muassasalari soni 127taga yetdi.