08:49 / 07.11.2020
7385
Yevropaning sayohat qilish uchun eng yaxshi mamlakati e'lon qilindi

Portugaliya – 2020 yilda Yevropada sayohat qilish uchun eng yaxshi mamlakat deb topildi. Mamlakat xalqaro hakamlardan tashkil topgan jamoa tomonidan World Travel Awards mukofotiga to‘rtinchi bor loyiq ko‘rilmoqda.

Foto: Getty Images

Bundan tashqari, Portugaliyadagi ko‘plab sayyohlik obektlari ham ushbu mukofotga loyiq ko‘rildi. Xususan, mamlakat janubi Algarve sohillari ham Yevropada eng yaxshi plyaj dam olish hududi deb tan olindi.

Mukofotga nomzodlar orasida Portugaliyadan tashqari Avstriya, Angliya, Fransiya, Germaniya, Gretsiya, Irlandiya, Italiya, Norvegiya, Ispaniya, Shvetsiya, Shveytsariya va Turkiya ham bor edi.

World Travel Awards mukofoti har yili Butunjahon turizm va sayyohlik kengashi tomonidan beriladi. Mukofotga dunyo miqyosida hamda 8 ta xalqaro regional miqyosda nomzodlar tanlab olinadi. Bundan tashqari, eng yaxshi tarixiy obidalar, mehmonxona va otellar, aviakompaniya va transport tizimi kategoriyalari bo‘yicha ham nomzodlar taqdirlanadi.

Top