BMT bosh kotibi Antoniu Guterrish Jo Baydenni AQSh prezidenti saylovlarida g‘alaba qozongani bilan tabrikladi.
Reuters axborot agentligining xabar berishicha, Guterrish AQSh va BMT hamkorligi bugungi kunda dunyo to‘qnash kelayotgan muammolarni hal qilishdagi xalqaro hamkorlikning muhim ustuni hisoblanadi. BMT kotibining tabrigi Baydenga hamrohlik qilayotgan bo‘lg‘usi vitse-prezident Kamala Xarrisga ham yo‘llangan.
Tabrik yo‘llanishi Guterrish AQShdagi saylovlarning rasmiy natijalari e'lon qilinishidan oldin Baydenning g‘alabasini tan olganini anglatadi.
7 noyabrda AQShning bir qator yetakchi OAVlari Baydenning saylovlarda g‘alaba qozonganini e'lon qildi.
Avvalroq Jahon sog‘liqni saqlash tashkiloti bosh direktori Tedros Adanom Gebreyyesus ham Baydenni g‘alaba bilan tabriklagandi. Ma'lum qilinishicha, Bayden prezident Donald Trampning AQShning JSSTdan chiqishi haqidagi qarorini bekor qilishga va'da bergan.
