00:15 / 22.11.2020
3458

Xitoy rahbari xalqaro «salomatlik kodlari» tizimini yaratish taklifi bilan chiqdi

Xitoyda 2020 yil bahoridan beri «salomatlik kodlari» tizimi amal qilmoqda. 

Foto: iStock

XXR raisi Si Tszinpin G20 virtual sammitida qilgan chiqishida «salomatlik kodlari» xalqaro tizimini joriy etishni taklif qildi.

«Sinxua» agentligining qayd etishicha, gap «koronavirusga olingan testlar natijalariga asoslangan xalqaro tan olinadigan QR-kod ko‘rinishidagi markirovkalash» to‘g‘risida bormoqda.

Si Tszinpin ushbu mexanizmga nafaqat G20 qatnashchilari, balki boshqa ko‘plab mamlakatlar qo‘shilishiga umid bildirdi.

Xitoyda 2020 yil bahoridan beri «salomatlik kodlari» tizimi amal qilmoqda. Mamlakatdagi har bir fuqaroga koronavirusga topshirgan testi natijasi, og‘ir epidemiologik holat mavjud hududda bo‘lishi, koronavirusga chalinganlar bilan muloqoti va boshqa ma'lumotlar hisobga olingan holda «qizil», «sariq» yoki «yashil» QR-kod beriladi. Ko‘plab joylarga borish uchun QR-kod «yashil» bo‘lishi lozim.

Bunday kodlar tizimi dastlab ayrim hududlarda kiritilgandi, may oyidan esa butun Xitoy bo‘ylab joriy etildi. 

Mavzu
Koronavirus
2019 yilning dekabr oyi oxirida Xitoyning Uxan shahrida noma’lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Mavzuga oid
Top