19:07 / 23.11.2020
5976
Turkmanistonda katta yoshlilarning harakatlanishiga cheklov o‘rnatildi

Yoshi 50dan oshganlarning shaharlararo va viloyatlararo yo‘nalishlarda harakatlanishi cheklandi.

Foto: Getty Images

Turkmaniston hukumati o‘tkir yuqumli kasalliklar tarqalishining oldini olish maqsadida fuqarolarning maqsadsiz harakatlanishini tartibga solishga qaror qildi, deb xabar berdi ORIENT axborot agentligi.

Xabarda aytilishicha, yoshi 50dan oshganlarning shaharlararo va viloyatlararo yo‘nalishlarda harakatlanishi cheklandi. Shuningdek, yoshi 50dan oshgan xodimlarning boshqa hududlarga xizmat safariga yuborilishi taqiqlandi.

Mamlakatda profilaktika maqsadida niqob taqish rejimi joriy etilgan.

 Xalqaro aviaqatnovlar, yo‘lovchi poyezdlari va shaharlararo avtobuslar harakati yil oxiriga qadar to‘xtatilgan, masjid va cherkovlar, savdo markazlari madaniyat va maishiy xizmat muassasalari yopilgan.

Turkmanistonda koronavirus yuqtirish holatlari rasman qayd etilmagan.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top