Energetika vazirligi ijtimoiy tarmoqlarda tarqalgan issiqxonalarga gaz yetkazib berishni to‘xtatish bilan bog‘liq murojaatlarni tahlil qilib, issiqxonalar kuz-qish mavsumida muqobil yoqilg‘i manbalariga o‘tishi ular bilan tuzilgan shartnomalarda nazarda tutilganligini eslatdi.
Vazirlik matbuot xizmatiga ko‘ra, issiqxona xo‘jaliklari tabiiy gazning mavsumiy iste'molchilari bo‘lib, bu haqda gaz ta'minoti tashkilotlari bilan tuzilgan shartnomalarida o‘z aksini topgan. Hujjatlarga ko‘ra, kuz-qish davrida mavsumiy iste'molchilar kamida uch oy davomida foydalanishi uchun muqobil yoqilg‘i – ko‘mir mahsulotlari zaxirasiga ega bo‘lishlari kerak.
“Bundan tashqari, issiqxonalar rahbarlariga xo‘jalik yurituvchi sub'yektlar uchun mavsumiy gaz cheklovlari va uni iste'mol qilish hajmining o‘sishi, aholi va ijtimoiy ahamiyatga ega bo‘lgan obektlar, masalan mamlakatni elektr energiyasi bilan ta'minlaydigan issiqlik elektr stansiyalari tomonidan muqobil yoqilg‘i turiga to‘liq o‘tishning muhimligi tushuntirilmoqda.
Shu bilan birga, tabiiy gaz o‘rniga ko‘mir mahsulotidan to‘liq foydalanishga o‘tgan issiqxona xo‘jaliklari yoqilg‘ining mazkur muqobil turiga o‘tish bo‘yicha tajribalarini va tegishli hisob-kitoblarni bir necha bor taqdim qilmoqda. Shuningdek, ular ko‘mir yoqilg‘isini ishlatgan holda doim o‘z bilimlari va issiqxonalarda ishlab chiqarilayotgan mahsulotlar narxining uchdan bir qismga kamaytirishga imkon beradigan amaliy ishlari bilan fikr almashishga tayyor.
Bunday tajribani o‘rganish va uni bugungi kunda amalda har bir issiqxonada qo‘llash kerak, chunki butun yil davomida bo‘lmasa ham, kuz-qish davrida ular yoqilg‘ining muqobil turlaridan foydalanishi va shartnomada nazarda tutilganidek, ularga mos keladigan ta'minotga ega bo‘lishi kerak”, - deyiladi vazirlik izohida.
Avvalroq, Energetika vazirligi elektr energiyasi ta'minotidagi uzilishlar iste'molning ortishi tufayli yuzaga kelishini ma'lum qilgandi.
