14:13 / 29.11.2020
3146
Yaponiya fazoga yangi sun'iy yo‘ldosh chiqardi

Yaponiyaning H-IIA raketasi fazoga ma'lumotlarni yuqori tezlikda uzatish uchun mo‘ljallangan sun'iy yo‘ldoshni chiqardi. Raketa 29 noyabrda Tanegasima orolidagi kosmodromdan uchirilgan.

Foto: MHI_LS/Twitter

Retranslyator sun'iy yo‘ldosh orbitadagi boshqa yapon sun'iy yo‘ldoshlaridan ma'lumotlarni qabul qilib, ularni Yerga jo‘natadi. Yaponiya koinot agentligi JAXA ma'lumotlariga ko‘ra, yangi sun'iy yo‘ldosh ma'lumotni oddiy sun'iy yo‘ldoshlardan ko‘ra 7 marta tezroq uzata oladi va sutkasiga o‘rtacha 9 soat ishlaydi. Ma'lumotlarning, jumladan foto- va videomateriallarning tezkor uzatilishi favqulodda vaziyatlar va tabiiy ofatlarga tezroq munosabat bildirishda yordam beradi.

NHK telekanali ma'lumotlariga ko‘ra, Yaponiya hukumati yangi sun'iy yo‘ldoshdan axborot to‘plovchi sun'iy yo‘ldoshlaridan ma'lumotlarni uzatishni tezlashtirish uchun foydalanadi.

Top