13:14 / 21.12.2020
5790
«ZAGS»larning ish vaqti qulaylashdi 

FHDYo bo‘limlarining ish vaqti qulaylashdi. Bu haqda Davlat xizmatlari agentligi xabarida aytilgan.

Qayd etilishicha, avval turli hududlar FHDYo bo‘limlarining ish vaqti har xil bo‘lgan. Masalan, Toshkent shahrida dushanba — dam olish kuni bo‘lgan bo‘lsa, boshqa hududlarda ish kuni edi. Bu holat mazkur ma'lumotga ega bo‘lmagan aholiga noqulaylik tug‘dirgan.

Davlat xizmatlari agentligi mutaxassislari tomonidan ushbu masala qayta ko‘rib chiqilib, FHDYo bo‘limlarining to‘liq ish vaqti dushanba – juma kunlari etib belgilandi.

Endilikda FHDYo bo‘limlari tomonidan shanba kunlari ham 9:00dan 15:00ga qadar aholiga xizmat ko‘rsatiladi.

Bunda, mehnat qonunchiligiga to‘liq rioya qilingan holda shanba kunlari ishlaydigan xodimlarning umumiy ish vaqti haftasiga 40 soatdan ortmaydi.

Mazkur yangilik aholiga qo‘shimcha qulaylik yaratishda FHDYo sohasida oldinga tashlangan yana bir qadam bo‘ldi, deyiladi DXA ma'lumotida.

Top