15:07 / 22.12.2020
5014
Rossiya bolalar uyida parvarishlanayotgan 3 nafar bola ota-onasi bilan O‘zbekistonga qaytarildi
Foto: Facebook / Sibirda Yordam

Rossiyaning Novosibirsk shahridagi “Bolalar uyi”da tarbiyalanayotgan 1, 2 va 3 yoshli bolalarning ota-onalari topilib, birgalikda O‘zbekistonga qaytarildi. Bu haqda “Sibirda yordam» Facebook sahifasi xabar qilmoqda. Ta'kidlanishicha, O‘zbekiston Bandlik va mehnat munosabatlari vazirligi huzuridagi Tashqi mehnat migratsiyasi Agenligining Rossiya Federatsiyasidagi Vakolatxonasi hamda O‘zbekiston Respublikasining Novosibirsk shahridagi Bosh konsulxonasi o‘zaro hamkorlikda shunday savobli ishni amalga oshirgan.

“Tashqi mehnat migratsiyasi Agenligining Rossiya Federatsiyasidagi Vakolatxonasi hamda O‘zbekiston Respublikasining Novosibirsk shahridagi Bosh konsulxonasi o‘zaro hamkorlikda olib borilgan ishlari natijasida Novosibirsk shahar “Bolalar uyida”gi 1 yosh, 2 yosh va 3 yoshli chaqaloqlarning ota-onasi topilib, ular O‘zbekistonga qaytarildi.

Mazkur ishlarni amalga oshirishda amaliy yordam bergan mutasaddi tashkilot va idora rahbarlariga, diplomatlarga shuningdek, jonkuyar vatandoshlarimiz Farzona va Sardorbeklarga o‘z minnatdorligimizni bildiramiz”, — deyiladi sahifa xabarida.

Top