Toshkent shahridagi Farg‘ona yo‘li ko‘chasida yo‘l ta'mirlash ishlari olib borilmoqda. Bu haqda “Toshshahartransxizmat” xabar qildi.
Qayd etilishicha, shu sababli, 2020 yil 31 dekabrga qadar Farg‘ona yo‘li ko‘chasining Yong‘in-qutqaruv qismi ("O‘zbek qog‘ozi" OAJ) yaqini harakatlanish uchun yopilgan.
“Shu munosabat bilan 12-, 26-, 37-, 68-, 81-, 93-sonli avtobus yo‘nalishlari suratdagi ko‘chalardan harakatini davom ettirishini ma'lum qilamiz. Keltirilgan noqulayliklar uchun uzr so‘raymiz”, - deyiladi “Toshshahartransxizmat” ma'lumotida.