20:41 / 02.01.2021
5599
Pochettino - «PSJ» bosh murabbiyi bo‘ldi

«Pari-Sen-Jyermen» klubi argentinalik mutaxassis Maurisio Pochettino jamoa bosh murabbiyiga aylanganini rasman e'lon qildi.

Foto: PSJ

48 yoshli murabbiy bilan 2022 yilga qadar mo‘ljallangan shartnoma imzolangan. Pochettino avvalroq iste'fosi e'lon qilingan Tomas Tuxel o‘rnini egalladi.

Argentinalik mutaxassis 2019 yilning noyabr oyida «Tottenhem»dan iste'foga chiqarilgach, hech qayerda faoliyat yuritmayotgandi. 

Parij klubi Fransiya chempionati 17-turidan keyin 35 ochko bilan 3-o‘rinda bormoqda. Klub YeChL 1/8 final bosqichida «Barselona»ga qarshi maydonga tushadi. 

«PSJ» sobiq futbolchisi sanalmish Pochettino murabbiy sifatida klubdagi debyutini 6 yanvar kuni «Sent-Etena»ga qarshi o‘tkazadi.

Ma'lumot uchun, Maurisio 2001-2003 yillar davomida Parij klubi safida to‘p surib, 2001 yilda Intertoto kubogida zafar quchgan.

Top