21:49 / 04.01.2021
4602
Meksika prezidenti Assanjga siyosiy boshpana berishga tayyorligini aytdi

Avvalroq London sudi Julian Assanjning hayotiga xavf paydo bo‘lishi mumkinligi bois uning AQShga ekstraditsiya qilinmasligi to‘g‘risida hukm chiqargandi.

Foto: Foto: Dominic Lipinski / PA Wire / AP

Meksika WikiLeaks asoschisi Julian Assanjga siyosiy boshpana berishga tayyor. Mamlakat prezidenti Andres Manuel Lopes Obrador ana shunday bayonot bilan chiqdi.

«Men tashqi ishlar vaziridan Birlashgan qirollik janob Julian Assanjni ozodlikka chiqarishi va qo‘yib yuborishi, Meksika esa unga siyosiy boshpana berishi uchun zarur amaliyotlarni boshlashini so‘ramoqchiman», — dedi Obrador.

Obrador shuningdek, London sudining Assanjni AQShga ekstraditsiya qilmaslik to‘g‘risidagi qarorini ma'qullashini aytdi.

Avvalroq London sudi Julian Assanjning hayotiga xavf paydo bo‘lishi mumkinligi bois uning AQShga ekstraditsiya qilinmasligi to‘g‘risida hukm chiqargandi.

 Vestminster magistrat sudi sudyasi Vanessa Baraytserning so‘zlariga ko‘ra, AQShda bir kishilik kamerada hibsda saqlanish oqibatida Assanjning sog‘ligi jiddiy yomonlashishi mumkin.

 Amerika adliya vazirligi Julian Assanjga qarshi 18ta ayblov e'lon qilgan. U mazkur ayblovlar asosida 175 yilgacha ozodlikdan mahrum etilishi mumkin.

Mavzu
Julian Assanj mojarosi
Jurnalist, WikiLeaks sayti asoschisi Julian Assanj josuslik mojarolari haqidagi o‘ta maxfiy materiallarni e'lon qilib kelgan. 2010 yilda Shvetsiyada uni hibsga olish uchun order berildi. 2012 yilda Assanj Ekvadorning Londondagi elchixonasiga yashirindi va ushbu davlat rahbariyatidan siyosiy boshpana so‘radi. U yetti yil davomida elchixonada yashadi, 2019 yil 11 aprel kuni Ekvador unga boshpana bo‘yi
Barchasi
Top