20:46 / 11.01.2021
6365
AQSh kongressi Trampning impichmenti to‘g‘risidagi rezolyutsiya matnini e'lon qildi

Rezolyutsiya mualliflarining fikricha, Tramp o‘z xatti-harakatlari bilan «milliy xavfsizlik, demokratiya va konstitutsiyaga nisbatan xatar» bo‘lib qolishini ko‘rsatdi.

Foto: Jim Bourg/File Photo / Reuters

AQSh kongressi vakillar palatasi prezident Donald Trampning impichmenti to‘g‘risidagi rezolyutsiya loyihasini e'lon qildi.

Unda aytilishicha, «prezident Tramp Qo‘shma Shtatlar va hukumat institutlari xavfsizligini jiddiy xavf ostiga qo‘ydi».

Loyiha mualliflarining fikricha, Tramp o‘z xatti-harakatlari bilan «milliy xavfsizlik, demokratiya va konstitutsiyaga nisbatan xatar» bo‘lib qolishini ko‘rsatdi.

Vashingtonda 6 yanvarda yuz bergan tartibsizliklardan keyin bir qator demokratlar Trampning hokimiyatdan chetlatilishini talab qilishgandi. AQSh rahbarining ba'zi partiyadoshlari ham xuddi shunday chaqiriqlar bilan chiqishdi.

2019 yil dekabrda ham kongress a'zolari Trampni vakolatlarini suiiste'mol qilishda ayblab, uning impichmentini talab qilishgandi. O‘shanda respublikachilar bu tashabbusni qo‘llab-quvvatlamagani tufayli impichment amalga oshmagandi.

Mavzu
AQSh-2020
2020 yilning 3 noyabrida AQShda prezidentlik saylovlari bo‘lib o‘tadi. 3 fevral kuni demokratlar qarorgohida birlamchi saylovlar - kokuslar va praymerizlar boshlangan.
Barchasi
Top