14:55 / 12.01.2021
2997
Xitoy JSST ekspertlarining mamlakatga kirishiga ruxsat berdi

Olimlar guruhi Xitoyga 14 yanvarda yetib keladi, ammo tadqiqot ishlarini ikki haftalik karantinni o‘tab bo‘lganidan keyin boshlashi mumkin bo‘ladi. 

Foto: Picture Alliance

Koronavirus kelib chiqishini o‘rganish bilan shug‘ullanuvchi xalqaro ekspertlar guruhi yaqin vaqt ichida Uhanda ish boshlashi mumkin. Jahon sog‘liqni saqlash tashkilotining ma'lum qilishicha, Xitoy hukumati mutaxassislarning mamlakatga kirishiga ruxsat bergan.

Olimlar guruhi Xitoyga 14 yanvarda yetib keladi, ammo tadqiqot ishlarini ikki haftalik karantinni o‘tab bo‘lganidan keyin boshlashi mumkin bo‘ladi. 

JSST va Pekin o‘rtasida Xitoyda koronavirus kelib chiqishini o‘rganish bo‘yicha muzokaralar bir necha oy avval boshlangandi. 5 yanvar kuni JSST bosh direktori Tedros Adhanom Gebreyyesus rasmiy Pekin tashkilot xodimlarining mamlakatga kirishiga ruxsat bermaganini ma'lum qildi. Uning so‘zlariga ko‘ra, Xitoy so‘nggi daqiqalarda rad javobini bergan.

Xitoy buni JSST ekspertlarida ayrim hujjatlarning yo‘qligi va delegatsiyani qabul qilishga tayyorgarlik ko‘rishga oid qiyinchiliklar bilan izohlagandi.

Top