Janubiy Afrika shtammi 20ta davlatda qayd etilgan, Yaponiyada koronavirusning uchinchi turi tarqalgan.
Foto: Matthew Horwood/Getty Images
Jahon sog‘liqni saqlash tashkiloti koronavirusning yana yangi turlari paydo bo‘lishidan ogohlantirdi.
"SARS-CoV-2 qanchalik keng tarqalsa, uning o‘zgarish imkoniyatlari shunchalik ko‘payadi. Tarqalishning yuqori darajasi uning yangi turlari paydo bo‘lishini kutishimiz kerakligini bildiradi", - deyiladi JSST xabarida.
Ma'lumotlarga ko‘ra, koronavirusning Britaniyada aniqlangan shtammi yana 50ta mamlakatda qayd etilgan.
Shu bilan birga, Janubiy Afrika shtammi 20ta davlatda qayd etilgan bo‘lsa, Yaponiyada koronavirusning uchinchi turi tarqalgan.
Pandemiya boshlanganidan buyon dunyo bo‘yicha 92 mln kishi koronavirus yuqtirgan, 2 millionga yaqin kishi vafot etgan.
