14:16 / 13.01.2021
2221
O‘zbekiston davlat Konservatoriyasida imtihonlar noan'anaviy tashkil qilindi

Joriy yilning 11 yanvaridan an'anaviy tarzda o‘qish jarayoniga qaytgan Oliy ta'lim muassasalarida talabalar qishki sessiya jarayonini o‘tkazishmoqda.

O‘zbekiston davlat Konservatoriyasida imtihonlarda shaffoflikni ta'minlash maqsadida talabalarni baholash uchun boshqa OTM lardan professor- o‘qituvchilar jalb etildi va barcha ijtimoiy hamda gumanitar fanlardan o‘tkaziladigan oraliq imtihonlar taklif etilgan professor - o‘qituvchilar, kafedra mudiri hamda rektor tomonidan nazorat qilinadi. Mazkur yo‘nalishlardan ta'lim bergan o‘qituvchilar imtihon jarayonida ishtirok etishmaydi. Bundan ko‘zlangan maqsad - imtihonlarning shaffof tarzda o‘tishi va har bir talaba o‘z bilimiga yarasha baholanishi natijasida ta'lim sifatini yaxshilash. Bundan tashqari imtihonlarni istagan inson onlayn translatsiya orqali ham http://konservatoriya.uz sayti orqali kuzatishi mumkin. Konservatoriyada imtihonlar jarayoni 12 yanvardan 25 yanvarga qadar shu tarzda o‘tkazilishi rejalashtirilgan.

Top