19:53 / 29.01.2021
2079
Vengriya YeIda birinchi bo‘lib Xitoyning koronavirusga qarshi vaksinasidan foydalanishga ruxsat berdi

Vengriya shuningdek, YeIda birinchi bo‘lib "Sputnik V" vaksinasini ro‘yxatdan o‘tkazgandi.

Foto: imago images/TASS

Vengriya oziq-ovqat va dori mahsulotlarini nazorat qilish boshqarmasi Xitoyning Sinopharm kompaniyasi ishlab chiqqan koronavirusga qarshi vaksinani ma'qulladi. Shu tarzda Vengriya Xitoy vaksinasini ma'qullagan YeIdagi birinchi mamlakat bo‘ldi.

"Bugun farmakologiya va ovqatlanish milliy instituti Sinopharm vaksinasini ma'qulladi", - deb ma'lum qildi mamlakat bosh sanitar vrachi Sesiliya Myuller.

Avvalroq Vengriya bosh vaziri Viktor Orban mamlakat yaqin kunlarda Sinopharm bilan vaksina sotib olish bo‘yicha shartnoma imzolashini aytgandi. 

 Vengriya shuningdek, YeIda birinchi bo‘lib "Sputnik V" vaksinasini ro‘yxatdan o‘tkazgandi.

Mamlakatda pandemiya boshlanganidan buyon 363 mingdan ortiq kishi koronavirus yuqtirgan, 12 mingdan ortiq kishi vafot etgan.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top