19:31 / 06.02.2021
4406
Eron sanksiyalar sababli neft eksportida 100 mlrd dollar yo‘qotdi

O‘tgan yili Eron prezidenti Hasan Ruhoniy AQSh sanksiyalari tiklangan 2018 yildan beri mamlakatning umumiy yo‘qotishlari 150 mlrd dollar deb baholanayotganini ma'lum qilgandi.

Foto: Vahid Salemi

Eron Amerika sanksiyalari sababli neft eksportida 100 mlrd dollar miqdoridagi daromaddan mahrum bo‘ldi.

Bu haqda Eronning birinchi vitse-prezidenti Ishoq Jahongiriy Karmonshoh viloyatida neft-kimyo korxonasiga poydevor qo‘yish marosimida ma'lum qildi.

Uning so‘zlariga ko‘ra, AQSh sanksiyalari Eron iqtisodiyotiga ulkan miqyosda zarar yetkazgan.

«Agarda sanksiyalar bo‘lmaganida, eronliklar bunchalik qiyin iqtisodiy vaziyatga tushib qolmagan bo‘lardi», - dedi Jahongiriy.

O‘tgan yil sentyabrda Eron prezidenti Hasan Ruhoniy AQSh sanksiyalari tiklangan 2018 yildan beri mamlakatning umumiy yo‘qotishlari 150 mlrd dollar deb baholanayotganini ma'lum qilgandi.

Top